60 përqind e grave amerikane janë ngacmuar seksualisht

21:51 | 21 Nëntor 2017
Trina Galanxhi

Gjashtëdhjetë përqind e grave amerikane kanë theksuar se kanë përjetuar ngacmime seksuale gjatë jetës së tyre.

Më shumë se dy të tretat e ngacmimeve kanë ndodhur nëpër vende të punës, ka zbuluar një sondazh i fundit i kryet nga Universiteti Quinnipiac, transmeton portali arbresh.info

Gjetjet vijnë pasi Shtetet e Bashkuara janë duke u përballur me skandale të ngacmimeve seksuale që kanë tronditur botën e artit, biznesit dhe politikës.

Vetëm 20 përqind e meshkujve kanë deklaruar se kanë përjetuar ngacmime seksuale, prej të cilave 60 përqind kanë ndodhur në vendet e punës.

89 përqind e të të anketuarve e klasifikojnë ngacmimin seksual si “problem serioz”, ndërsa 62 përqind mendojnë se njerëzit mund të bëjnë më shumë kujdes pas skandaleve të fundit./arbresh.info/